Poesia di Carlo Porta
Per incoeu guarna pur via
Per incoeu guarna pur via
i tò rimm, i toeu conzett
e ven chì a godè in cà mia
vun di solet festinett.
Te doo facc che mett legria,
fior de ciapp, de spall, de tett
de imbrojà el coo a chi se sia
che dovess trà el fazzolett.
Sont sicur che te diree
che hin i Grazzi e i Mûs che balla
suj bel praa del Pegasee:
ma el diroo forsi mej mì
a vedè che no ghe calla
el so Apoll, che te seet tì.
