Poesia di Eduardo De Filippo
Roma
L'orario
e 'a strada
pè truvà pace
e cammenà cuieto,
pè fà capì a te stesso
cumm'è 'o penziero
ca tu tiene ncapa,
si sàpe 'e sale
si ha pigliato 'e fummo
si vale 'a pena
invece
d' 'o penzà,
a Roma chesta strada ce sta sempe.
'A truove sempe 'a strada
'a piazza
'o vico:
se trova all'alba
'e juorno
'e notte, sempe.
Attuorno siente 'a musica d' 'e vvoce,
pè ll'aria
'a luce e ll'ombra d' 'e pparole:
parole grosse e chelli piccirelle.
Truove 'e muntagne
'o verde d' 'a campagna
'e ccase d'oro
ca se fanno rosse
pò
'e ramma,
cumm'attone
e doppo 'argiento...
Te truove overamente ncopp' 'o munno
cuieto e sulo
stanno ucumpagnia
e stienne 'o passo nzieme nzieme c' 'o penziero.
Leggi le più belle Poesie di Eduardo De Filippo
Ti possono interessare le opere di Eduardo De Filippo
